Хамтран амьдрахдаа юуг хүлээн зөвшөөрөх вэ?


Өдөр бүр уулзаж, болзож, завдал л гарвал цугтаа хонодог байсан ч хамтдаа амьдарна гэдэг ямар болохыг та төсөөлөө ч үгүй байгаа. Ямар ч байсан та хоёрын харилцаанд тодорхой өөрчлөлтүүд гарах нь үнэн, тэдний зарим нь эерэг, зарим нь сөрөг байх болно. Та юунд бэлэн байх ёстой вэ:

Та хоёр хоёулаа өөр хурдтай гэдгийг сана

Та магадгүй түүнтэй хамт амьдарснаар илүү дотно байж, хамтдаа хийнэ гээд чадаагүй байсан зүйлсээ амжуулна гэж бодож байгаа. Гэхдээ зөвхөн гарахдаа бэлдэхдээ л та түүнээс өөр хурдтай гэдгээ мэдэрнэ. Хамт удаан амьдраад ирэхээр аливааг илүү түргэн гүйцэтгэдэг нэг нь бүх зүйл дээр бачимдаж эхэлдэг. Харин арай удаан хийдэг нь нөгөөхөө гүйцэх гэсээр залхдаг. Хэдий энэ жижигхэн асуудал мэт боловч, танд хамгийн их тээр болж болох юм. Урьд нь та хоёр хамтдаа хийнэ гэж төлөвлөсөн зүйлээ хэсэг хугацааны дараа хийдэг байсан бол, одоо хамт байгаа гэдэг шалтгаанаар тэр дор нь бодож байснаа биелүүлэхийг хүснэ. Гэтэл нэг өдөр та шөнийн цэнгээний газар ормоор санагдсан ч, хайрт чинь ядраад байж болно. Энэ мэтчилэн хүссэнээр чинь болохгүй зүйл олон бий. Гэхдээ тэглээ гээд шантрах хэрэггүй, та зүгээр л хүн бүр өөр өөрийн гэсэн хурд, тэнхэл бий гэдгийг хүлээн зөвшөөрөөрэй.

Өмнөхөөсөө секс хийх нь багассан мэт санагдана

Гэвч үнэндээ тийм биш юм. Та хоёр хамт хонох бүртээ секс хийдэг байсан. Гэхдээ тэр нь долоо хоногт 2 эсвэл 3 байдаг байсан. Харин одоо бол та хоёр шөнө бүрийг хамт өнгөрүүлж байна. Тиймээс зарим шөнүүдэд зүгээр л амрахыг хүсэх нь зүй хэрэг. Тиймээс секс хийлгүй өнжих шөнүүд урьдынхаасаа олширно.

Тэр албаар таны уурыг хүргэх гээд байгаа юм шиг санагдах болно

Тэр оймсоо орныхоо доогуур хийж орхих зуршилтай байж. Харин та бүх оймсийг нэг шүүгээнд эмх замбараатайхан эвхээтэй байгаасай гэж хүсдэг. Энэ талаараа ч түүнд хэлнэ. Гэхдээ сурсан занг яаж сураар боож болох билээ. Энэ мэтчилэн гэр ахуйн асуудлын тал дээр та хоёр эрс өөр зуршил, зарчимтай бол зөрчил үүсэх магадлалтай. Тиймээс таныг самнаасаа даахиа авч, идсэн хоолны тавгаа тэр дор нь хурааж бай гэж хичнээн хэлсэн ч тэр үргэлж түүнийг санаад байх нь юу л бол. Энэ үед тэр яг л таныг албаар уурлуулах гэж байгаа юм шиг сэтгэгдэл төрөх болно. Хамтран амьдрах гэж байгаа бол та цэмцгэр байдалд дассан шиг, тэр ч бас бага зэрэг замбараагүй байгаад сурчихсан гэдгийг ойлгож өөрийгөө бухимдуулахгүй байх хэрэгтэй.

Та заримдаа ганцаараа байхыг хүснэ

Хэн нэгэнтэй цуг амьдраад ирэхээр өөртөө гаргах цаг зав багасдаг. “Би зүгээр л ганцаараа гадуур алхмаар байна” гэж хэлэх хэрэг танд ч, түүнд ч гарна. Энэ нь бие биенээсээ уйдсан гэхээсээ илүү жаахан юм бодож, өөртэйгөө ярилцах хэрэгтэй байгааг илтгэж байгаа юм.

Та хоёр бие биенээ илүү их санадаг болно

Хааяа ганцаараа баймаар санагдах ч, хамтдаа амьдраад ирэхээр, нэг оройг л өөр өөр газар өнгөрүүлвэл маш удаан хугацаанд тусдаа байсан юм шиг санагдана. Та түүнгүйгээр хэн ч биш юм шиг сэтгэгдэл төрөх вий. Хосууд хамт удаан байх тусмаа илүү гүн холбоотой болдог. Гэхдээ энэ бол сайн хэрэг.

Та илүү хартай болно

Урьд нь та түүнийг завгүй, эсвэл өөр ажилтай гэж хэлэхэд нь нэг их юм бодолгүй өнгөрүүлдэг байсан. Харин одоо, түүнийг найзуудтайгаа зугаацаж, таныг ганцааранг чинь гэртээ үлдээх тоолонд та хардаж эхэлнэ. Тэгээд та түүнийг өөртэйгөө цуг байхыг хүсэхгүй байгаа мэтээр эндүү ойлгоно. Гэвч түүнд ч бас өөрийн гэсэн амьдрал хэрэгтэй, хамт амьдардаг болсон гээд бүх зүйлийг хамт хийх албатай биш юм.

Эрх мэдэл, хүч чадлын тухайд

Мэдээж та хоёрын нэг нь гэр цэвэрлэхдээ, төлбөр төлөхдөө, аливааг санахдаа нөгөөгөөсөө илүү байх болно. Харин тэгж арай их хариуцлага хүлээсэн нь өөрийгөө яг л асрагч эсвэл эцэг/эх болчихсон мэтээр төсөөлж ундууцах болно. Та хоёр хоёулаа ижилхэн. Нэг нь ямар нэгээр илүү байхад, нөгөө нь өөр нэг юмаар илүү байдаг гэдгийг ойлгож тэнцвэртэй байх ёстой юм.

 


Like it? Share with your friends!

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win
error: Хуулбарлах хориотой !
Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format